ЕМХАНАДА «АШЫҚ ЕСІК КҮНІ» ӨТТІ
Бүгін №10 қалалық емханасының дәрігерлері Дүниежүзілік денсаулық күніне орай «Ашық есік күнін» өткізіп, денсаулығына шағымымен келген тұрғындарды гинеколог, эндокринолог, терапевт қабылдады.
Іс-шара барысында келушілердің қан қысымы өлшенді, дене салмағы индексі (ДСИ) анықталды, сондай-ақ қандағы қант пен холестерин деңгейін тексеру мүмкіндігі берілді. Тұрғындарға терапевт дәрігерлер кеңес беріп, әлеуметтік және психологиялық қолдау көрсетілді. Сондай-ақ сауықтыру бөлімінің қызметкерлері әртүрлі профилактикалық кеңестер мен ұсынымдарымен бөлісті.
«Ашық есік күніне» барлығы 32 тұрғын келді. Олардың 21-інде қауіпті факторлар анықталды.
Қалалық емхана бас дәрігерінің орынбасары Ләйлә Сүлейманованың айтуынша, шараға қараша халық қатысты, тұрғындар денсаулыққа көңіл бөлуге белсенділік танытты.