Емхана жұмысы медициналық мекеме қабырғаларымен ғана шектелмейді.
Емхана жұмысы медициналық мекеме қабырғаларымен ғана шектелмейді. №10 қалалық емхананың мейіргерлері отбасылардың үйіне барып, патронаждық көмек көрсетіп келеді. Бұл – кішкентай баласы бар немесе сәби күтіп отырған жанұяларға бағытталған қолдау.
✔️Мейіргерлер үйге барып, ата-аналармен ашық әңгіме жүргізеді. Баланың күтімі, дұрыс тамақтануы, қауіпсіз орта қалыптастыруы және жас ерекшелігіне сай дамуы туралы кеңес береді. Қажет жағдайда нақты ұсыныстар айтып, ата-аналарға сенімді бағыт-бағдар көрсетеді. Әсіресе жас ата-аналар үшін мұндай қолдаудың маңызы зор.
Қазіргі таңда патронаждық қызмет жүйелі түрде жүзеге асып, көптеген отбасының алғысына бөленіп отыр.
Жуырда Анар ханым осы бағытта еңбек етіп жүрген мейіргерлерге арнайы видео арқылы алғысын жеткізді.